Sveitarstjórnin kom í heimsókn á Bitru á ferð sinni um sveitarfélagið til að kynna sér mismunandi atvinnurekstur 8. október sl.

Lesa meira

Fangar á Litla-Hrauni hafa að undanförnu sagað út og málað hinar ýmsu fígúrur fyrir sýninguna Blóm í bæ sem haldin er í Hveragerði um helgina. Þetta skemmtilega verkefni var listilega vel unnið og mun prýða Hveragerði nú um helgina. Sjá nánar.

 

Í almennri umræðu er því oft haldið fram að mikill meirihluti þeirra sem afplána refsingu í fangelsum brjóti af sér á ný og komi fljótlega til afplánunar aftur.

Samkvæmt nýrri norrænni samanburðarrannsókn kemur í fyrsta lagi fram að þessu er ekki þannig farið og í öðru lagi að Ísland kemur mjög vel út í samanburði við aðrar Norðurlandaþjóðir. Þetta er ekki síst athyglisvert í ljósi þess að hlutfallslegur fjöldi fanga hér á landi hefur verið talsvert lægri en á hinum Norðurlöndunum. Á Íslandi eru nú um 50 fangar á hverja 100.000 íbúa en á hinum Norðurlöndunum eru þeir um 70.

Lesa meira

Fangelsið Bitra var formlega tekið í notkun í dag. Forstöðumaður fangelsisins, Margrét Frímannsdóttir, bauð gesti velkomna og til máls tóku, Páll E. Winkel, forstjóri Fangelsismálastofnunar, Þórunn Hafstein, ráðuneytisstjóri dómsmála- og mannréttindaráðuneytis sem opnaði fangelsið formlega í fjarveru Rögnu Árnadóttur, dómsmálaráðherra, Erlendur S. Baldursson, Þráinn Farestveit, Einar Andrésson og sr. Hreinn Hákonarson, fangelsisprestur sem blessaði starfsemi fangelsisins.

Lesa meira

Útskrift Fangavarðaskólans fór fram 16. apríl síðastliðinn. Níu nemendur sóttu skólann að þessu sinni og stóðu sig með prýði. Kennslan fór sem fyrr fram í húsnæði Lögregluskólans að Krókhálsi 5b, Reykjavík. Alls komu 16 kennarar og leiðbeinendur að kennslunni og er þeim og öðrum sem lögðu hönd á plóg þakkað samstarfið.

Lesa meira

Síðastliðinn föstudag heimsótti Ragna Árnadóttir, dómsmála- og mannréttindaráðherra Fangelsið Litla-Hraun og Fangelsið Bitru. Með henni í för voru Ása Ólafsdóttir, aðstoðarmaður hennar og Jón Magnússon, skrifstofustjóri í ráðuneytinu.

 

Ragna fór yfir ýmis mál með forstjóra Fangelsismála-stofnunar, Páli E. Winkel og forstöðumanni fangelsisins, Margréti Frímannsdóttur, svo sem heilbrigðismál fanga, vinnumál og fleiri mál. Þá ávarpaði ráðherra starfsmenn á  fundi sem haldinn var á Litla-Hrauni þar sem fangelsismál voru til umræðu.

 

 

 

 

 

 

Ennfremur heimsótti ráðherra og fylgdarlið Fangelsið Bitru sem tekið verður í notkun á næstu dögum. 

Einar Valur Oddsson, sem falið hefur verið að vera varðstjóri yfir fangelsinu, tók á móti heimsóknar-gestum.

Út er komin skýrsla Ríkisendurskoðunar um skipulag og úrræði í fangelsismálum. Sjá nánar.

Út er komin skýrsla Quaker Council for European Affairs um athugun á nýjum refsiúrræðum í löndum sem heyra undir Evrópuráðið: Investigating Alternatives to Imprisonment. Sjá nánar.

Sjá greinina: They also serve who wait for a prison seat.

Vegna útfarar Þorsteins Geirssonar ráðuneytisstjóra dóms- og mannréttindaráðuneytis verður skrifstofa Fangelsismálastofnunar lokuð eftir hádegi í dag, 10. mars 2010.

Boðið er upp á ýmsa áfanga og námskeið fyrir fanga í fangelsum ríkisins. Námsráðgjafi var ráðinn í hálft starf 1. mars 2008. Starfið var síðan hækkað í heila stöðu frá 1. ágúst 2008. Vegna erfiðrar fjárhagsstöðu var það aftur lækkað í 50% 2009 en hefur nú verið 75% starfshlutfall frá síðustu áramótum.

Lesa meira

Fangavarðaskólinn hóf starfsemi sína 12. janúar 2010. Vegna efnahagsástandsins var ákveðið að skólahald á þessu starfsári yrði með þeim hætti, að um eina samfellda önn yrði að ræða í stað grunnnáms og framhaldsnáms. Lesa meira