Innanríkisráðherra í heimsókn í Fangelsismálastofnun
Ögmundur Jónasson, innanríkisráðherra heimsótti Fangelsismálastofnun og Hegningarhúsið í dag. Með honum í för voru Halla Gunnarsdóttir, aðstoðarmaður hans, Ragnhildur Hjaltadóttir, ráðuneytisstjóri, Skúli Þór Gunnsteinsson, lögfræðingur og Jóhannes Tómasson, upplýsingafulltrúi.
Páll E. Winkel, forstjóri Fangelsismálastofnunar, kynnti starfsfólk fyrir Ögmundi Jónassyni, innanríkisráðherra og fór yfir starfsemi stofnunarinnar og stöðu mála.
Ráðherra tilkynnti formlega að ríkisstjórnin hefði ákveðið að hefja undirbúning að byggingu nýs fangelsis á Hólmsheiði og var þeim fréttum vel fagnað af starfsmönnum.
Síðan var haldið í heimsókn í Hegningarhúsið við Skólavörðustíg. Guðmundur Gíslason, forstöðumaður fangelsisins tók á móti gestum, fór lítillega yfir sögu fangelsisins og sýndi gestum aðstöðuna í fangelsinu.
.