Samningur milli Fangelsismálastofnunar og Háskólans í Reykjavík um starfsnám meistaranema í lögfræði
Háskólinn í Reykjavík hefur nýlega gert 
samning
við sex opinberar stofnanir og embætti, þar á meðal Fangelsismálastofnun, í því skyni að auka framboð á starfsnámi meistaranema í lögfræði.
Háskólinn í Reykjavík hefur nýlega gert samninga við sex opinberar stofnanir og embætti í því skyni að auka framboð á starfsnámi meistaranema í lögfræði, sérstaklega á sviði sakamála:
Ríkislögreglustjórann, Lögreglustjórann á höfuðborgarsvæðinu, Ríkissaksóknara, Fangelsismálastofnun, Lögregluskóla ríkisins og Umboðsmann barna.
Hluti af meistaranámi við lagadeild getur farið fram í viðurkenndu starfsnámi og nemandi fengið allt að sex einingar metnar á grundvelli samninga af þessu tagi. Það skilyrði er sett að nemandi vinni undir leiðsögn að viðfangsefnum sem eru til þess fallin að auka þekkingu og hæfni til að vinna að úrlausn lögfræðilegra verkefna. Sjá nánar.