Fréttir
Morgunverðarfundur um málefni fanga verður haldinn 25. janúar 2008 kl. 08:00 - 10:00
Morgunverðarfundur verður haldinn á Grand Hóteli, Reykjavík, 25. janúar næstkomandi kl. 08-10. Fundarefnið er: - Börn og refsingar – Hvernig viljum við haga málum ungmenna sem hafa leiðst út í afbrot.
Fundurinn er haldinn fyrir tilstilli samráðsnefndar um málefni fanga. Í nefndinni sitja fulltrúar frá: Heilbrigðisstofnun Suðurlands á Selfossi, Fangelsismálastofnun ríkisins, Velferðarsviði Reykjavíkurborgar, Þjónustumiðstöð Breiðholts, Landlæknisembættinu, Rauða krossi Íslands, Lögreglunni á höfuðborgarsvæðinu, Fangavarðafélaginu, fangapresti, Samhjálp og Vernd.