Skólahald á Litla-Hrauni hófst með hefðbundnum hætti 9. janúar síðastliðinn
Fjölbrautaskóli Suðurlands hefur umsjón með skólahaldi fanga í Fangelsinu Litla-Hrauni. Á vorönn eru 29 nemendur skráðir til náms en tveir til viðbótar höfðu innritað sig en hættu við. Tveir nemendur eru skráðir í fjarnám við aðra skóla en FSu og tveir hafa sótt um að stunda fjarnám við Fjöltækniskóla Íslands í fjarnámi á þessari önn. Aðgengi að netsambandi er takmarkað hvað tímalengd varðar og er undir ströngu eftirliti kennslustjórans á Litla-Hrauni.
Skipting nemenda eftir námsgreinum er eftirfarandi:
Danska 13 nemendur í þremur mismunandi áföngum
Enska 15 nemendur í 4 mismunandi áföngum
Framkvæmdir og vinnuvernd (FRV 103) 9 nemendur
Grunnteikning 12 nemendur í tveimur áföngum
Íslenska 20 nemendur í 5 áföngum
Íþróttir 20 nemendur í þremur áföngum
Lífsleikni 103 15 nemendur
Hlífðargassuða og rafsuða 5 nemendur í tveimur áföngum hver
Spænska 13 nemendur
Stærðfræði 17 nemendur í fimm áföngum og að auki situr með þeim í kennslustundum einn nemandi sem nemur viðskiptagreinar.
Þrír nemendur eru skráðir í UTN 103 og tveir í náttúrufræði og fer kennslan í þeim áföngum fram í fjarnámi frá FSu í gegnum námsumhverfið Angel.