Nýting afplánunarplássa í fangelsum hefur verið mikil á árinu 2007
Nýting afplánunarplássa á Litla-Hrauni og í Kópavogsfangelsinu hefur verið 95-100% það sem af er þessu ári. Þá var nýting afplánunarplássa í Fangelsinu Kvíabryggju til 3. október sl. tæplega 99%. Nýting afplánunarplássa í Hegningarhúsinu var rúmlega 93% það sem af er þessu ári og í Fangelsinu Akureyri 86% til 9. maí 2007 er endurbygging þess hófst.
Fangelsismálastofnun hefur lagt áherslu á að boða menn til afplánunar eins og fljótt og unnt er og leitast er við að nýta afplánunarpláss vel til að draga úr bið eftir fangelsisplássi. Þegar nýting er svona mikil verður skipulag starfseminnar mun þyngra og erfiðara er að mæta óvæntum uppákomum. Einnig gefur augaleið að erfiðara reynist að sinna viðhaldi á húsnæði sem sífellt er í fullri notkun.
Staðreynd er að halda verður áfram uppbyggingu fangelsa í landinu svo unnt sé að efla og þróa faglegt starf í fangelsum ríkisins.
| 2005 | 2006 | 2007 | |
|---|---|---|---|
| Hegningarhúsið | 79,53 | 84,54 | 93,10 |
| Fangelsið Kópavogsbraut 17 | 86,85 | 90,90 | 96,35 |
| Fangelsið Litla-Hrauni | 95,73 | 96,17 | 99,79 |
| Fangelsið Kvíabryggja | 95,11 | 92,11 | 98,95 (til 3/10) |
| Fangelsið Akureyri | 75,92 | 65,99 | 85,94 (til 9/5) |
