Fréttir
Heimsókn fjölmiðla í Fangelsið Litla-Hrauni 10. maí 2006.
Fjölmiðlum var gefinn kostur á að heimsækja Fangelsið Litla-Hraun í dag milli kl. 15:00 og 17:00 til að kynnast fangelsinu af eigin raun, sjá hvernig lífið þar gengur fyrir sig og ræða við stjórnendur og talsmenn fanga.
Forstöðumaður Fangelsisins Litla-Hrauni kynnti starfsemi fangelsisins.
Leiðsögn var um helstu byggingar á svæðinu og ein deild fangelsisins heimsótt.
Forstjóri Fangelsismálastofnunar, Valtýr Sigurðsson, forstöðumaður Fangelsisins Litla-Hrauni, Kristján Stefánsson, formaður Fangavarðafélagsins, Ari Thorarensen og talsmaður Trúnaðarráðs fanga, Atli Helgason svöruðu fyrirspurnum blaðamanna.
Þáðu margir boð þetta og sýndu áhuga á starfsemi fangelsisins.